اخبار السينما و الفنالبوابة الأخبارية

أول تعليق لـ أسامة عباس بعد شائعة بحثه عن عمل

في أول تعليق إعلامي له بعد انتشار شائعة بحثه عن عمل من خلال تغريدة منسوبة له، وتصدر اسمه ترند محرك البحث جوجل، كشف الفنان أسامة عباس أنه ليس على دراية بمواقع التواصل مثل تويتر، ويحصل على معلومات عنها من خلال أحفاده.

وفي مداخلة هاتفية مع الإعلامي سيد علي في برنامج “حضرة المواطن” على قناة الحدث اليوم، طمأن أسامة عباس جمهوره ومحبيه على صحته قائلا: “الحمد لله كله تمام، الصحة كويسة وبخير، باجري كل يوم 5 كيلو وقربت أخش الأولمبياد.”

وتعليقا على التغريدة المنسوبة له، قال: “أنا سمعت عنها، أنا أصلي الحاجات الجديدة تويتر وكلهم بالنسبالي حاجات معنديش فكرة عنها، باعرف معلومات عنها من أحفادي. سمعت النهاردة إتقال إني قلت أنا مبشتغلش وعايز شغل وحاجات زي كده، طبعا الحكاية دي محصلتش خالص، والحقيقة دكتور أشرف زكي تولي عني الرد بكفاءة شديدة، والكلام اللي هو كاتبه في تغريدته فيه الكفاية تماما وفيها ما أرضاني بشكل غير عادي.”

وردا على سؤال حول رغبته في التمثيل، ونوعية الأعمال التي قد تحفزه للعودة للشاشة، قال: “أنا كويس كده، أنا آخر حاجة عملتها كانت سنة 2018 وقررت enough is enough، وأنا قاعد في الساحل وباستمتع بحياتي، وولادي حواليا، وأحفادي بيجولي من حين لآخر، والكتب اللي ماكنتش قريتها ابتديت اقراها، الحمد لله كله تمام.”

وأضاف: “يتوقف على إيه العمل، يعني إذا كان في ما يحفزني للعمل حاعمله، مفهوش ما يحفزني حاقول لهم متشكر جدا إنكو افتكرتوني وبس. ما يحفزني إن العمل يكون له قيمة، يتكلم في حاجة تستاهل إن إحنا نتناقش فيها، ويكون الكاست ناس أنا أعرفهم، لأن أنا الحقيقة عدد كبير من الأبطال معرفهومش، ومعرفش حيتعاملوا معايا إزاي وحاتعامل معاهم إزاي.”

وردا على سؤال “مين كان نمبر وان في عصركم؟”، قال: “طبعا الأستاذ عادل إمام هو أشهر واحد فينا، لكن أستاذ محمود مرسي هو الأستاذ، والأستاذ مدبولي هو القائد، والأستاذ فؤاد المهندس هو الباشا.”

وردا على سؤال “مين نمبر وان في الجيل الحالي؟” أجاب: “أنا مش عارفهم الحقيقة كويس.”

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق