Connect with us

البوابة الأخبارية

محشي وملوخية وأكلات مصرية على “سفرة دايمة”

أعدها لكم: رحاب سليمان

لسه مكمّلين معاكم وصفاتنا المصرية الشهية، لكل بنت عايزة تبقى متميزة في أكلاتها، ولكل حد متغرب ومشتاق للأكل البيتي..

النهارده هنعرّفكم إزاي تعملوا مكرونة بالبشاميل، وكباب الحلة، والمحشي، والملوخية..

Published

on

أعدها لكم: رحاب سليمان

لسه مكمّلين معاكم وصفاتنا المصرية الشهية، لكل بنت عايزة تبقى متميزة في أكلاتها، ولكل حد متغرب ومشتاق للأكل البيتي..

النهارده هنعرّفكم إزاي تعملوا مكرونة بالبشاميل، وكباب الحلة، والمحشي، والملوخية..

كباب الحلة
المقادير:

  • كيلو لحمة
  • 3 بصلات كبيرة
  • 1/ 2 ملعقة قرفة
  • 3 فصوص ثوم
  • ملح وفلفل
  • طماطم

الطريقة:
1- اغسلي اللحمة وقطّعيها مكعبات.

2- افرمي البصل والثوم، وقطّعي الطماطم مكعبات صغيرة.

3- اخلطي اللحمة والمكونات دي مع بعض ويفضّل دون إضافة أي مادة دهنية، ولو عايزة ممكن تحطّي ملعقة زبدة أو زيت.

4- قلّبي المكونات مع بعضها على درجة حرارة متوسطة لحد ما اللحمة والبصل والطماطم ينزّلوا المية بتاعتهم، وسيبي المكوّنات تغلي شوية مع بعضها على النار.

5- لما تحسّي إن اللحمة بدأت تتشرب المية تاني، تبّليها بالملح، والفلفل الأسود، والقرفة، والبهارات، وهدّي الحرارة وزوّديها نصف كوب ماء، وسيبيها على النار، وكل ما تحسّي إنها هتنشف زوّديها شوية ميه صغيرة.

6- سيبيها على نار هادية لمدة 30 دقيقة، لحد ما اللحمة تستوي والصوص يبقى لونه بني، وبعد كده قدّميها.. بالهنا والشفا.

 

*******************

 

سيبيه يستوي على نار هادية لمدة من 20 : 30 دقيقة وبعدين قدّميه

سيبيه يستوي على نار هادية لمدة من 20 : 30 دقيقة وبعدين قدّميه

محشى الكوسة والباذنجان
المقادير:

  • كيلو باذنجان أو كوسة
  • 3/ 4 كيلو أرز
  • حزمة كزبرة
  • ملح وكمون
  • حزمة شَبَت
  • 3 فصوص ثوم
  • حزمة بقدونس
  • 3 طماطم كبيرة
  • 3 ثمرات بصل كبير
  • 1/ 2 كوب شوربة

الطريقة:
1- قوّري الباذنجان أو الكوسة واخليهم من الداخل كويس وبعدين اشطفيه بالميه.

2- قطّعي البصل قِطَع صغيرة وشوّحيه في الزيت لمدة 3 : 4 دقائق، وحطّي عليه الثوم المفروم.

3- قطّعي الطماطم مكعبات وحطّيها على البصل، وسيبيهم على النار لغاية ما الصلصة تتسبّك شوية، وبعدين افرمي الخضرة وحطّيها معاهم.

4- اغسلي الأرز كويس وصفّيه وحُطّيه مع الخلطة، وتبّليه بالملح، والفلفل الأسود، والكمون، وارفعي الحلة من النار، وبكده تكون الخلطة جاهزة علشان تحشي بها الباذنجان والكوسة.

5- بعد ما تحشي الباذنجان والكوسة رصّيهم في الحلة، وصبّي عليهم الشوربة.

6- حطّي المحشي على نار عالية شوية؛ لحدّ ما الشوربة تغلي، وبعدين هدّي النار.

7- سيبيه يستوي على نار هادية لمدة من 20 : 30 دقيقة، وقدّميه.. وبالهنا والشفا.

 

*******************

 

دخّلي القالب في الفرن على درجة حرارة متوسطة لغاية ما الوش يحمرّ

دخّلي القالب في الفرن على درجة حرارة متوسطة لغاية ما الوش يحمرّ

مكرونة بالبشاميل
المقادير:

  • 2 كيس مكرونة أقلام مسلوقة
  • 3/ 4 كيلو لحمة مفرومة
  • 7 ملاعق كبيرة دقيق
  • 2 ثمرة بصل كبير
  • 2 مكعب ماجي
  • 7 ملاعق كبيرة زبدة
  • كوب جبن رومي أو موتزاريلا
  • كيلو لبن
  • ملح وفلفل
  • 2 بيضة

طريقة عمل العصاج:
ابشري البصل وشوّحيه في شوية زيت، وبعدين حطّي عليه اللحمة المفرومة، وقلّبيها شوية على النار، وبعد كده قلّلي درجة الحرارة، وسيبي اللحمة على نار هادية لحدّ ما تستوي، وبعدين تبّليها بالملح والفلفل والبهارات والقرفة.

لعمل صلصة البشاميل:
1- حطّي الدقيق مع الزبدة، وقلّبيهم على نار هادية لحدّ ما الزبدة تسيح، وتمتزج مع الدقيق.

2- حطّي اللبن على الدقيق تدريجياً مع التقليب المستمرّ لحدّ ما قوام الصلصة يتماسك.

3- ظبّطي قوامه زي ما تحبيه، لو عايزاه خفيف، ممكن تزوّديه شوربة، وبعدين تبّليه بالملح، والفلفل الأسود، ومرقة الدجاج.

لتحضير قالب المكرونة:
1- حطّي نصف كمية المكرونة في القالب، وقلّبي معاها شوية بشاميل.

2- حطّي عليها اللحمة المعصّجة، وبعدين حطّي باقي كمية المكرونة.

3- شيلي شوية صغيرين من البشاميل على جنب، وصبّي الباقي على قالب المكرونة.

4- اخفقي البيضتين كويس وحطي عليهم فلفل أسود، وقلّبيهم مع شوية البشاميل اللي كنتِ شايلاهم، وبعدين صبّي الخليط على القالب، ورشّي على الوش الجبنة الموتزاريلا.

5- دخّلي القالب في الفرن على درجة حرارة متوسطة لمدة 20 : 30 دقيقة أو لغاية ما الوش يحمرّ، وقدّميها.. وبالهنا والشفا.

 

*******************

 

صبّي الثوم على الملوخية وغطّيها بسرعة لمدة دقيقة

صبّي الثوم على الملوخية وغطّيها بسرعة لمدة دقيقة

ملوخية
المقادير:

  • كيلو ملوخية مخروطة أو مغلفة
  • شوربة فراخ أو لحمة
  • 3 فصوص ثوم
  • كزبرة ناشفة
  • 2 ملعقة سمنة

الطريقة:
1- حطّي الملوخية بعد ما تخرّطيها في الحلة، وحطّي عليها كمية من الشوربة المغلية على حسب الكثافة اللي إنتِ عايزاها.

2- قلّبي الملوخية في الشوربة على نار متوسطة، وما تخليهاش تغلي.

3- شوّحي الثوم المفروم مع الكزبرة في السمنة لحدّ ما لونه يبقى ذهبي.

4- صبّي الثوم على الملوخية، وغطّيها بسرعة لمدة دقيقة، وبعدين شيلي الغطاء.. وبالهنا والشفا.

 

ولغاية هنا خلص عددنا النهارده..
نتمنى إن الوصفات تكون عجبتكم..
وتجرّبوها وتبعتوا تقولوا لنا رأيكم إيه..
ولو عايزين وصفات معينة ابعتوا لنا وإحنا هنقدّمها لكم في أسرع وقت..
وبالهنا والشفا،،،

 

 

البوابة الأخبارية

نتيجة مباراة الاهلي و البنك الاهلي في الدوري المصري

Published

on

الاهلي و البنك الاهلي

في مباراة مثيرة جمعت بين البنك الأهلي والأهلي في الدوري المصري الممتاز، نجح البنك الأهلي في تحقيق الفوز بنتيجة 4-3.

سجل موديست هدفًا للأهلي في الدقيقة الرابعة، ورد البنك بسرعة بتسجيل هدف التعادل في الدقيقة السابعة عن طريق كريم بامبو.

قاد رضا سليم الأهلي للتقدم في الدقيقة 28، وأدرك محمد هلال التعادل للبنك في الدقيقة 63.

ثم قلب الأهلي الطاولة على البنك بتسجيل حسين الشحات في الدقيقة 73،

ولكن البنك لم يستسلم وأحرز هدفين متتاليين عبر سيمبوري في الدقيقة 84 وياو أنور في الدقيقة 90+4، ليحسموا الفوز بنتيجة 4-3.

بهذا الفوز، ألحق البنك الأهلي بالأهلي هزيمته الأولى في الدوري المصري هذا الموسم بعد 8 مباريات، ورفع البنك رصيده إلى 15 نقطة في المركز الرابع عشر،

فيما تجمد رصيد الأهلي عند 17 نقطة في المركز العاشر.

Continue Reading

البوابة الأخبارية

فوز مثير للجونة على الزمالك في الدوري المصري

Published

on

الزمالك و الجونة

أحرز نادي الجونة فوزًا مذهلاً على نظيره الزمالك بنتيجة 3-2 في إطار منافسات الجولة 15 من الدوري المصري الممتاز.

بدأ الجونة في التقدم بفضل هدف رضا صلاح في الدقيقة 30، لكن الزمالك رد بشكل قوي وسجل هدفين متتاليين عبر أحمد فتوح في الدقيقة 51 وسامسون أيكنولا في الدقيقة 57.

لكن الجونة قلب الطاولة على الزمالك في الشوط الثاني بفضل هدفين من إيمانويل لاكي في الدقيقة 75) وفرانك إيتوجا في الدقيقة 81.

بهذا الفوز، رفع الجونة رصيده إلى 22 نقطة في المركز السادس، بينما تجمد رصيد الزمالك عند 15 نقطة في المركز الثالث عشر.

تعد هذه الهزيمة هي الأولى للمدرب البرتغالي جوزيه جوميز مع الزمالك في بطولة الدوري الممتاز، بعد تعادله السلبي مع الإسماعيلي وتحقيق الفوز على الداخلية.

Continue Reading

البوابة الأخبارية

نتيجة مباراة المصري و زد في الدوري المصري

Published

on

زد والمصري

شهدت المباراة بين المصري وزد تقلبات مثيرة، حيث افتتح عبد الرحمن البانوبي باب التسجيل لفريق زد في الدقيقة 21.

ردّ محمد الشامي بتسجيل هدف التعادل للمصري في الدقيقة 54.

ثم نجح شادي حسين في تسجيل هدف التقدم لفريق زد في الدقيقة 80.

ولكن لم يكتفي المصري وعاد ليتعادل من جديد، حيث سجل ميدو جابر هدف التعادل في الدقيقة 90+8.

بهذه النتيجة، يرتفع المصري إلى النقطة 27، محتلاً المركز الأول في جدول ترتيب الدوري المصري الممتاز. أما زد، فيجد نفسه في المركز الخامس برصيد 23 نقطة.

المصري يتجه الآن لمواجهة الاتحاد السكندري في الأول من أبريل، فيما يلتقي زد مع سيراميكا كليوباترا في 31 مارس.

Continue Reading

تابعنا

Advertisement

تابعونا

mia casa

متميزة