يعني تفقد الذاكره وتلاقي أمن الدوله محتفظلك بنسخه منها يعني الوزارات كلها تعمل صفحات عالفيس بوك و شباب الثوره بكل عشم يدخل يقول : ممكن تبادل إعلاني يا أدمن ؟ يعني البوكس يقف و يتفتش و يستني لما العيال الصغيره تلف بالكلاب البلدي حوالين البوكس يعني حماده هلال يكتشف إن شهداء الثوره فعلا ماتوا في أحداث يناير يعني الإخوان يحضروا القداس في التحرير و الشباب السيس يضربوا طمووره يعني أمن الدوله يبقي عارف خطيبتك سابتك ليه ونت لسه متعرفش يعني طفله عندها تلات سنين و تقول لبلباها يوم الجمعه عايزين نروح ميدان التحرير و نقول يثقوط النظام يعني تبقي بتكره بلدك و عايز تموت في البحر ونت بتهرب منها و بعد كده تلاقي نفسك بتحبها أكتر من نفسك و مستعد تموت عشانها يعني إتنين يعملوا حادثة بعربياتهم وينزلوا يطممنوا علي بعض و يحضنوا بعض يعني تسافر ايطاليا و تطلع باسبورك المصري مش الإيطالي تلاقي موظف الجوازات يقوللك مرحب يا بطل و كل إللي في الطابور يسقفولك يعني الوزرا تحاول تهرب و المساجين مترضاش تهرب يعني بلوفر شفيق يبقي أشهر من شفيق و الراجل إللي ورا عمر سليمان يبقي أشهر من عمر سليمان يعني الناس تفرح بالحريه و طلبة الثاونيه العامه تفرح بإلغاء الباب الــ15 في الفيزياء يعني تبقي واقف طالع عينك في اللجنه الشعبيه و أمهات المنطقه بيفكروا في عرسان لبناتهم من اللجنه يعني فردة الشبشب إللي ضاعت في مصيف اولي ثانوي تلاقيها في أمن الدوله يعني طلاب الأخوان يعملوا مؤتمر في الجامعه و الأمن يوصللهم الكهرباء بتاعت السماعات يعني أمن الدوله يجتمعوا مع المجلس العسكري و أمن الدوله يصبح تنظيم محظور يعني تبقي الناس بايته في التحرير و رئيس الوزرا يقوللك كنت قاعد مع الشباب في الفور سيزون يعني عمرو موسي يقول الطريق للرئاسه مقفول و البرادعي يقول التغيير قادم لا محاله و الناس برضكككك ترشح موسي يعني مصر و ليبيا ليست تونس يعني تنزل المظاهرات بقزايز بيبسي عشان تغسل بيها وشك مش تشربها يعني نخلص من بدلة مبارك يجيلنا بلوفر شفيق يعني الأهرام و الأخبار متلاقيش عالصفحه الأولي مبارك يلتقي بعاهل المملكه يعني إحنا عمل ثوره و المساجين والوزراء يهربوا يعني تنسي باسوورد الإيميل و أمن الدوله هو إللي يرجعولك يعني محمد فؤاد يقوللك هانتحر إذا مبارك تنحي و لما إنخلع عمل أغاني للثوره يعني الناس تنزل بأعلام مصر في مناسبه غير إن المنتخب يكسب كاس الأمم يعني يبقي ضابط أمن دوله قاعد في المقر بتاعه و ييجي راجل ملتحي يعتقله يعني الشباب يعملوا ثورة لانهاء الفساد وتلاقي العيال عاملين ثورة لزيادة وقت الفسحة
