بالفيديو.. المعجنات بالزبيب على “سفرة دايمة”

النهارده هنعمل مع بعض معجنات الزبيب بطريقة سهلة وبسيطة ليكي ولعيلتك.

المعجنات بالزبيب
المقادير:
¼ كيلو دقيق
¼ كوب ساور كريم (الكريمة الحامضة)
4 ملعقة صغيرة بيكينج بودر
5 ملعقة كبيرة زبدة مجمدة
1/8 ملعقة صغيرة ملح
1/3 كوب زبيب
ملعقة كبيرة لبن
¼ كوب سكر
½ كوب لبن
بيضة

الطريقة:
1- اخلطي البيضة مع ملعقة اللبن وسيبيهم على جنب، وبعدين اخلطي الدقيق والملح والبيكينج بودر والسكر مع بعض كويس، وبعدين ضيفي عليهم الزبدة واستمري بالخلط، وبعدين ضيفي اللبن والساور كريم والزبيب واخلطيهم مع بعض كويس لحد ما الخليط يتجانس.

 

2- افردي العجينة على نسبة بسيطة من الدقيق، واقسميها نصفين بالطول، وبعدين قطعيها لمكعبات كبيرة (كما هو موضح بالفيديو)، وبعد كده رصيهم في الصينية وادهنيهم بخليط البيضة باللبن، وبعد كده دخليهم الفرن لمدة 15 دقيقة لحد ما لونهم يبقى بني فاتح، وبعدين طلعيهم من الفرن وسيبيهم يبردوا شوية، وبعد كده قدميهم.. وبالهنا والشفا.

 

اترك رد