8 نصائح علشان تصحي أسرع

8 نصائح علشان تصحي أسرع

أوقات كتير بتقومي الصبح وإنتي كسلانة، وبتحسي إنك عاوزة تنامي تاني، لو عاوزة تتخلصي من العادة دي جرّبي معانا الخطوات التالية. 1- حاولي تنامي بدري..

حبس المتهمين بإحراق سيارة شرطة 15 يوما على ذمة التحقيق
كيف تنعش دماغك في 10 دقائق فقط
وفاة والد صابر الرباعى بعد صراع مع المرض

أوقات كتير بتقومي الصبح وإنتي كسلانة، وبتحسي إنك عاوزة تنامي تاني، لو عاوزة تتخلصي من العادة دي جرّبي معانا الخطوات التالية.

1- حاولي تنامي بدري.. من أكتر الأسباب اللي بتخليكي كسولة في إنك تصحي بدري هي نومك متأخر، علشان كده حاولي تنامي بدري ويكون وقت نومك مش أقل من 7 ساعات.

2- حطي المنبه بعيد عن السرير.. حاولي تخلّي مكان المنبه بعيد عن مكان نومك علشان لما يرن تضطري تقومي تطفيه، وده هيساعدك تفوقي بشكل أسرع.

3- اظبطي المنبه مرة كمان بعد ميعاده الأصلي بـ5 دقايق.. أغلبنا بعد ما بيرن المنبه بيطفيه وممكن تنامي 5 دقايق زيادة، وبتلاقي ساعات كتير بتروح عليكي نومة، علشان تتفادي النقطة دي خلي المنبه يرن مرة كمان بعد ميعاده بـ5 دقايق.

4- خلّي جنبك فوطة مبلولة.. أول ما تصحي خدي الفوطة وامسحي بيها وشك فورا، الصدمة دي هتخليكي تفوقي بسرعة ومش هتنامي تاني.
ملحوظة: حطي الفوطة المبلولة في طبق وما تحطيهاش على حاجة خشب علشان ما يقشّرش أو يتلف.

5- استعملي منبه بأكثر من نغمة.. أوقات كتير ودانك بتاخد على رنة المنبه ومع مرور الوقت مش بتصحي، حاولي تستعملي منبه بأكثر من نغمة علشان يساعدك تصحي أسرع.
6- حطي جنب سريرك لبان أو بونبوني.. أول ما تصحي خدي قطعة من اللبان أو البنبوني وامضغيها، علشان بمجرد إنك تعملي أي حركة أول ما تصحي هتحسسك إنك فقتي وصحيتي بسرعة.

7- ما تقفليش ستارة الغرفة على الآخر.. قبل ما تنامي خلي ستارة الغرفة مفتوحة إلى حد ما، لأن نور الصبح هيدخل منها ويخليكي تصحي.

8- حضّري لبسك من بالليل.. جهزي كل حاجتك اللي هتحتاجيها في اليوم التاني من بالليل قبل ما تنامي علشان يكون فيه وقت الصبح وما تتعطليش، بس ما تاخديش ده حجة وتنامي أكتر.

COMMENTS

WORDPRESS: 0
DISQUS: 0
%d مدونون معجبون بهذه: