اخبار السينما و الفنالبوابة الأخبارية

اخر تصريحات صديق كريم صبري بعد غرقه

رد صادق عادل، صديق الفنان الراحل كريم شقيق رامي صبري على حملات الهجوم التي تعرض لها صديقه بسبب المشاكل الصحية التي عانى منها ودخل على إثرها مصحة لعلاج الإدمان قبل وفاته غرقا في ترعة المريوطية.

وعبر حسابه على Facebook، كتب صديق الراحل كريم صبري “كريم مكنش بالصورة الي بتتقال دي أبدًا، كريم مكنش بالوحاشة دي، بالعكس ده من أرجل الناس اللي عرفتها في حياتي، ارحموه بقى ده خلاص مشي وسابكم، بلاش التشويه ده في صورته”.

وأضاف صادق عادل “كريم كان مكتئب وتعبان من كل القريب منه، واللي استنا منه مساعدة وملقهاش، كريم كان فنان وشاطر ومجتهد وملقاش الدعم الكافي، فاكتئب وده طبيعي لواحد الناس فاهمه إنه ياما هنا وياما هناك، وهو يا عيني بيعافر وبيحاول بكل جهده، للأسف اللي بيكون من عيلة فنية الناس بتستخسر تساعده، وفاهمين إن العيلة الكريمة عاملة الواجب معاه، و فيه ناس تانية أولى”.

وتابع صديق الفنان الراحل “بس الحقيقي إن ده غلط تمامًا، لاحد بيساعد ولا قريب ولا غريب، صحابه بس اللي وقفت جمبه، وكانت بتحاول تعمله حاجه مش أكتر، سواء محمد شفيق أو كريم أسامة، أو أنا أو كام شخص بس اللي قريبين منه، لكن مافيش اللي الناس فكراه ده، بلاش تشويه في إنسان شاف حياة صعبة وسبنا بطريقة أصعب”.

واختتم صديق كريم صبري “بجد مش علشان تجاملوا حد تشوهوا في صوره إنسان راح لربنا، وكفاية كلمة أخوه الفنان رامي، علي فكره اسمه كريم صبري، وله تاريخ مش بطال يتشرف بيه ارحموا علشان ربنا يرحمكم”.

وتوفي شقيق المطرب رامي صبري، مساء أمس، غرقا في بحيرة المريوطية.

ونعى رامي صبري شقيقه الراحل وكتب عبر حساباته على مواقع التواصل الاجتماعي: ” توفي الي رحمة الله اخي وحبيبي الغالي كريم صبري ندعو الله أن يرحمه ويغفر له”.

يذكر أن الراحل كريم صبري هو الشقيق الأصغر للمطرب رامي صبري، وكان يعكف خلال الفترة الماضية على الاستعداد لطرح مجموعة من الأغاني بشكل منفرد، بعد تعثر مشروع ألبومه الغنائي الأول.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق