محمد صلاح الظاهرة الأروع و الاجمل على الاطلاق فى تاريخ الكرة المصرية و قد يكون و العربية ايضا لاعب من الطراز الاول بكل المقاييس مجتهد و ملتزم و لكن دعونا و بالعاميه قبل البدء فى الموضوع بالتحدث على الجانبين الأكثر اثارة فى حياة محمد صلاح من وجهة نظرى المتواضعة.

١- محمد صلاح الانسان ” من وجهة نظرى المتواضعة ”

محمد صلاح مفيش مصرى مبيحبوش الا لو كان من انصار جماعة الخرفان و العياذ بالله مبيختلفش عليه مصرى و يمكن ده اللاعب المصرى الوحيد مع ابوتريكة لو لعب للزمالك كل الاهلاوية هيفضلوا يحبوه و لو لعب للأهلى كل الزمالكاوية هيفضلوا يحبوه مفيش اختلاف على حب الناس ليه و احنا فى مصر بنقول بالبلدى اللى ربنا بيحبه بيحبب فيه خلقه و هنا نيجي نبص للجانب الديني و الانساني فى حياة محمد صلاح بعيدا طبعا عن انه مخلي قريته جنه و بعيدا عن ان اللى سرق ابوه خلى ابوه يديله الفلوس تاني و يفتحله مشروع محمد ملتزم و بيصلى و بيقرأ قرأن طول الوقت تقريبا بس هل هو ده بس السر فى حب ربنا  محمد صلاح اتبرع ب ٥ مليون جنيه لصندوق تحيا مصر و بعدها ربنا كرمه كرم ما بعده كرم مع روما و انتقل لليفربول فى صفقة خيالية مش بس بالنسبه للاعبين المصريين لا بالنسبة لليفربول كمان و بقى اغلي صفقة فى تاريخ ليفربول و ربنا فضل يكرمه و بقى على اكثر من فترة هداف الدورى الانجليزى بعد كده من حوالى اسبوع محمد صلاح اتبرع ب ١٢ مليون لمستشفي 57357 و جاتله مكأفاة ربنا الكبيرة المره دى بانه بقى افضل لاعب فى شهر فبراير فى الدورى الانجليزي و مش بس كده  لا و اصابة اقرب المنافسين ليه على لقب هداف الدورى الانجليزي ” مصائب قوما عند قوما فوائد ”

٢- محمد صلاح المحترف ” مش الحريف ” اللى ربنا بيحبه

محمد صلاح لاعب محترف من طراز خاص مجتهد و ملتزم و مهتم بالتمرين و بكل تفاصيله لكن هل محمد صلاح كان اكتر موهبة حصلت فى تاريخ الكرة المصرية من وجهة نظرى لا من وجهة نظرى ان زيدان كان بامكانه يكون اكتر من صلاح بكتير , شيكابالا كان ممكن يبقى اكتر من صلاح بكتير , ابوتريكة, مصطفى فتحي, حسني عبدربه, كهربا, رمضان صبحي, عفروتو و اسامي كتير اوى كموهبة هما افضل بكتير من محمد صلاح لكن محمد صلاح لاعب محترف و ملتزم و بيعمل اللى عليه و اكتر مش مركز فى شهره ولا فى معجبين ولا فى غرور قد ما هو مركز فى شغله و تمرينه و مصلحة فرقته عشان كده بقى هو محمد صلاح و الباقى لاعبيين محليين مبيدخلوش المنتخب اوقات كتير غير بقى توفيق ربنا لمحمد ان تقريبا نصف اجوانه بتبقى كورة ردت من العارضة او كورة شاطها فخبطت فى رجل لاعب فدخلت الجون او باص مكانش مقصود ليه نهائيا و دفاع الفريق التاني خبطت الكورة فيه فلفت و جات بالمقاس لمحمد صلاح فى الوقت و الثانيه المناسبين انها تقوله جيب جون انت مجتهد و ربنا بيحبك و لازم تتكافئ

دى وجهة نظر و مش اقل ولا اكتر من وجهة نظر بسيطه عن محمد صلاح و طبعا بنتمناله كل التوفيق و السعاده و النجاح اللى فى العالم كله نرجع بقى للغة العربية و موضوعنا عن ” هل يصبح محمد صلاح هداف الدورى الانجليزي بعد انعدام المنافسه ”

متلك النجم المصرى محمد صلاح، المحترف فى نادى ليفربول، فرصة ذهبية لدخول التاريخ كأول لاعب عربى يحصل على جائزة هداف الدورى الإنجليزى الممتاز “البريميرليج”.

القدر يخدم محمد صلاح

وتعرض هاري كين، لاعب توتنهام ومنافس محمد صلاح المباشر على لقب “هداف البريميرليج”، لإصابة فى الكاحل خلال مشاركته فى مباراة توتنهام وواتفورد، التى أقيمت مساء أمس، ضمن منافسات الجولة الـ30 من عمر مسابقة الدورى الإنجليزى، وهى الإصابة التى ستبعده عن الملاعب لمدة شهرين على الأقل.

اصابة هاري كين

ولا يزال الثنائى محمد صلاح وهارى كين يتقاسمان صدارة الدورى الإنجليزى الممتاز برصيد 24 هدفاً، أما سيرجيو أجويرو صاحب المركز الثانى فى قائمة الهدافين برصيد 21 هدفاً، فسيبتعد عن الملاعب لمدة أسبوعين بسبب الإصابة التى تعرض لها فى تدريبات مانشستر سيتى.

سيرجيو اجويرو

وقال نادى مانشستر سيتى، فى بيان رسمى أصدره اليوم، “يغيب سيرجيو أجويرو عن مباراة مانشستر سيتى أمام ستوك سيتى، مساء الاثنين، بعد إصابة تعرض لها فى الركبة، ويخضع للفحوصات اللازمة، ويستعد الفريق للسفر إلى العاصمة الإماراتية أبوظبى لخوض معسكر تدريبى فى أجواء دافئة قبل فترة التوقف الدولى، وسينضم أجويرو إلى قائمة الفريق المسافرة إلى أبوظبى”.

محمد صلاح يمتلك فرصة ذهبية لحصد لقب الهداف

محمد صلاح يمتلك فرصة ذهبية للانفراد بصدارة الهدافين، فى ظل غياب هارى كين وسيرجيو أجويرو، فنادى ليفربول سيلتقى فى المباراة المقبلة مع واتفورد بملعب “آنفيلد” ضمن منافسات الجولة الـ31.

كما يحل ليفربول ضيفاً على كريستال بالاس بملعب “سيلهرست بارك” يوم 31 مارس الجارى، وعلى إيفرتون بملعب “جوديسون بارك” فى الثامن من أبريل المقبل، ضمن منافسات الجولتين 32 و33 من عمر مسابقة الدورى الإنجليزى.

ويمتلك واتفورد أحد أسوأ خطوط الدفاع فى الدورى الإنجليزى، بعدما اهتزت شباكه 50 مرة فى 30 مباراة، وبالتالى فالفرصة سانحة أمام محمد صلاح لاختراق دفاع واتفورد “الضعيف” واستعادة ماكينة التهديف فى “البريميرليج”، والتى توقفت فى مباراة مانشستر يونايتد.

دفاع كريستال بالاس ليس أفضل حالاً من واتفورد، بعدما اهتزت شباكه 48 مرة، بينما تلقت شباك إيفرتون 49 هدفاً، وبالتالى فالنجم المصرى محمد صلاح بات مطالباً باستغلال تلك الفرصة بالتهديف فى المباريات الثلاث المقبلة من أجل الانفراد بصدارة قائمة الهدافين وتوسيع الفارق مع الثنائى هارى كين وسيرجيو أجويرو.